Se vaksina është shpëtim tregon edhe raporti i fundit i autoriteteve shëndetësore. Në vend nuk është shënuar asnjë rast vdekje nga koronavirusi tek qytetarët e vaksinuar me dy doza.

Nga Ministria e Shëndetësisë njoftojnë se në këtë analizë janë evidentuar personat që llogariten të imunizuar me dy doza dhe kanë kaluar së paku 14 ditë nga marrja e dozës së dytët të vaksinës anti kovid.

Ndonëse të prekur nga virusi korona ka 12,8% e të vaksinuarve me dy doza, autoritete shëndetësore thonë se ata e kalojnë me simptoma shumë të lehta apo edhe pa asnjë simptomë, duke rezultuar pozitiv vetëm në test.

“Në periudhën nga 6 deri më 12 gusht në gjithë vendin 3,497 qytetarë kanë rezultuar me teste pozitive, prej të cilëve 450 kanë qenë plotësisht të vaksinuar. Përqindje e lartë, madje 87,2% ose 3,047 e qytetarëve të infektuar nuk kanë qenë të vaksinuar. Vdekshmëria te të pa vaksinuarit është 100%, tregojnë analizat. Në periudhën një javore në gjithë territorin kanë vdekur 25 persona nga CoVid-19, por asnjëri prej viktimave nuk ka qenë i vaksinuar”, njoftojnë nga Ministria e Shëndetësisë.

Por, varianti ri delta gjithkund të botë po përhapet shpejtë edhe tek të rinjtë. Mjekët thonë se ky lloj agresiv i virusit nuk po kursen as fëmijët nga mosha zero. Shifrat zyrtare në vendin tonë tregojnë se në valën e re dukshëm është shtuar numri i të prekurve edhe tek moshat minore.

“Sipas raportit të ISHP-së në periudhën 26 korrik – 1 gusht në mesin e të diagnostikuarve pozitiv më së shumti janë evidentuar në grup moshat 20-29 vjeçe, përkatësisht 22,1%. Megjithëse numri më i vogël i të prekurve aktualisht është nga mosha 0-9 vjeç ose 2,5%, në krahasim me javët tjera është shënuar një rritje drastike e këtyre grup moshave”, thonë nga Instituti i Shëndetit Publik.